FC悉尼「雄心」萬丈抵捧

　　宣布續約更令隊友士氣飆升，為咗搶分確保季後賽席位，作客墨爾本雄心肯定撳住嚟搶，直敲2.6倍客勝！

　　上輪唔齊腳都照樣砌低阿德萊德聯，FC悉尼嘅演出確係抵讚，不過佢哋今場嘅實力仲會倍增，事關祖爾格菲斯、艾馬頓同艾希爾菲幾名主力齊齊坐完波監，前者夥拍迪比亞喺前線搵食，中場指揮官艾馬頓負責派牌，仲有件艾希爾菲同啱啱加盟冇耐、經驗老到嘅尼爾扼守中後場防線，成條骨幹即刻「升呢」。

　　再者，寶刀未老嘅迪比亞，日前正式同球會續約一年，成功刺激全隊士氣。有「金童」喺度，班波Grade數即刻唔同層次，為咗確保前6有得打季後賽肯定搏甩髀。至於佔主場之利嘅墨爾本雄心，則有首席前鋒泰迪治斷腳趾養傷，防線核心柏德列基赫特又攞夠8面黃牌停賽兩場，FC悉尼梗係趁勢搶得就搶啦！