喜鵲有前冇後入波補飛

　　，而曾經喺首循環畀佢哋血洗嘅紐卡素，護級成功之後輕裝上陣誓要報仇，但喜鵲主場攻強守弱，隨時又同兵工廠合演入球大戰。

　　紐卡素主場嘅得失球差係3支降班球隊以外最渣，主要係後防長時期傷停嚴重，搞到喜鵲呢季戰績一蹶不振，尤其主場有前冇後踢死罷就，攻守唔平衡導致錯漏百出，即管睇吓呢場冇壓力下狂攻又可唔可以入多啲波，彌補後防失誤。

　　由頂級豪門淪落為爭前4球隊嘅阿仙奴，一定要繼續出戰歐聯先可以重新證明自己，同埋搵番失落咗嘅冠軍氣質，因為只有咁樣至可以留得住猛將同吸引星級外援。兵工廠近期放風話下季招兵買馬，就係要刺激士氣，加上呢排狀態大勇嘅禾確特都唔住，兩隊隨時再上演首循環共入10粒嘅激鬥！