朗尼出馬氹尹佩斯入魔

　　尹佩斯轉會事件漸見明朗化，多間外國媒體都透露「兵工廠」隊長好有可能喺短期之內加盟「紅魔鬼」。而近日曼聯前鋒朗尼就喺官網親自游說尹佬，叫佢快啲過檔曼聯：「大都知尹佩斯係一個優秀前鋒，上季更取得大量入球，佢加盟曼聯的話一定令球隊更加強大。我應該同尹佩斯合作得來，但大都知曼聯有好多高質素前鋒，如韋碧克、查維亞靴南迪斯及貝碧托夫，邊個打正選就由領隊決定吧！」

　　另外據英國《鏡報》表示，曼聯已對尹佩斯報價，但阿仙奴一直都冇回覆。而曼聯領隊費格遜就批評阿仙奴刻意隱瞞交易進展，令曼聯進退兩難。其實好多球迷都知道，蘭球員與曼聯特別合拍，史譚、雲尼斯達萊及雲達沙都在奧脫福創下一番功業，相信尹佩斯亦有能力喺曼聯取得大成功。

　　至於周日凌晨曼聯將作客漢諾威上演雪佛蘭盃，睇番曼聯近幾場熱身賽，絕大部分球員都「住踢」，故入球數字相當低。就以近兩場熱身為例，曼聯面對華拉倫加及巴塞隆拿都冇波入，預計曼聯今場都唔會搏盡，再開細盤機會極高。